శ్రీ శారదమాత జన్మతిధి

తిధి ప్రకారం నేడు శ్రీ శారదమాత పుట్టినరోజు. శ్రీ రామకృష్ణ పరమహంస గారి పత్ని అయిన శ్రీ శారదామాత సాక్షాత్తు కాళీ స్వరూపం. స్వామి సత్స్వరూపానంద మొదలైన అనేకమందికి అమ్మ కాళీ మాతగా దర్శనమిచ్చారు. అయినప్పటికి సాధారణ మహిళ వలనే జీవితం గడిపారు. రామకృష్ణుల భక్తులకు అన్నం వండడం కోసం కట్టెల పొయ్యి దగ్గర కూర్చుని వంట చేసేవారు, కళ్ళు మండుతున్నా, పొగ గొట్టంతో ఊది త్వరగా వంట సిద్ధం చేసేవారు. భక్తుల బట్టలు ఉతికేవారు. ఇలా అమ్మ చేయని పనిలేదు. అటువంటి శారదామాత అనుగ్రహం మన అందరిపై ప్రసరించాలి.

ఓం యాదేవీ సర్వభూతేషు మాతృ రూపేణ సంస్థితా
నమస్తస్యై నమస్తస్యై నమస్తస్యై నమోనమః