హనుమాన్ చాలీసా 31 వ చరణం

Hanuman Chalisa - 31

अष्टसिद्धि नव निधि के दाता ।
अस बर दीन जानकी माता ॥

Assttasiddhi Nava Nidhi Ke Daataa |
As Bar Diin Jaanakii Maataa ||

Meaning:

You can Give the Eight Siddhis (supernatural powers) and Nine Nidhis.
Mother Janaki (Devi Sita) gave this Boon to you.

హనుమాన్ చాలీసా 30 వ చరణం

Hanuman Chalisa - 30

साधु संत के तुम रखवारे ।
असुर निकंदन राम दुलारे ॥

Saadhu Sant Ke Tum Rakhavaare |
Asur Nikandan Raam Dulaare ||

Meaning:

You are the Saviour of the Saints and Sages.
You Destroy the Demons, O Beloved of Sri Rama.

హిందూ ధర్మం - 266 (కర్మసిద్ధాంతం - 6)

నిత్య, నైమిత్తిక కర్మలను చేయడం వలన పుణ్యం, యశస్సు, ఆత్మబలం కలుగుతాయి, వాటిని విడిచిపెట్టడం వలన పాపం కలుగుతుంది. నిషిద్ధ కర్మను చేయడం వలన పాపం కలుగుతుంది, దాన్ని విడిచిపెట్టడం వలన సద్గతి, ఆత్మబలం, తపశ్శక్తి పెరుగుతాయి. 

చేసిన కర్మ మనకు ఇచ్చే ఫలితాన్ని అనుసరించి దాన్ని పాపకర్మ, లేదా పుణ్యకర్మ అంటాము. ఇతరులకు మేలు చేసేది; ఇతరులకు హానీ చేయకుండా తనకు మేలు చేసేవి అయిన కర్మలను సత్కర్మలుగా చెప్తారు. ఇతరులకు హానీ చేసే కర్మను పాపకర్మ అంటారు.

సులభంగా చెప్పాలంటే సుభాషితకారులు ఇలా అన్నారు.

అష్టాదశ పురాణానాం సారం వ్యాసేన కీర్తితం
పరోపకారం పుణ్యాయః పాపాయ పరపీడణం

అష్టాదశ పురాణాలను రచించిన వ్యాసుడు వాటి సారాన్ని ఈ విధంగా కీర్తించాడట. పరులకు ఉపకారం చేయడమే పుణ్యం, అపకారం చేయడం పాపం అని. నిజానికి ఇతరులకే కాదు, తనకు హానీ చేసేది కూడా పాపమే.

ఎడ్ల బండి నడవడానికిబండి చక్రాలు ఎలాగో, అలాగే జీవ యాత్ర సాగాలంటే పాపపుణ్యాలు అలాంటివి. ఈ రోజు నీకున్న ఆరోగ్యం, ఆహారం, ఆహార్యం, సంతోషం, పదవి, హోదా మొదలైన అన్ని సుఖాలకు కారణం పుణ్యకర్మ లేదా పుణ్యఫలం. అలాగే నీవు అనుభవించే కష్టాలు, భయాలు, రోగాలు మొదలైన అన్ని రకాల దుఃఖాలకు కారణం పాపకర్మ లేదా పాప కర్మ యొక్క ఫలం. కర్మ సిద్ధాంతం ఇలా చెప్తుంది. నీవు చెడు చేస్తే, చెడును పొందుతావు; మంచి చేస్తే మంచి అనుభవిస్తావు; ఇతరులను అవమానిస్తే, అవమానించబడతావు; దూషిస్తే దూషించబడతావు; దోషాలు ఎంచితే, నీలోని దోషాలు ఎంచబడతాయి; ఆకలి తీరిస్తే, నీ ఆకలి తీర్చబడుతుంది; నీవు తిరస్కరిస్తే, తిరస్కరించబడతావు; ప్రేమిస్తే, ప్రేమించబడతావు; శంతిని పంచితే, శాంతిని పొందుతావు; అశాంతిని రగిలిస్తే, అశాంతితో కాలి బూడదవుతావు. ఒక్కమాటలో చెప్పాలంటే నీవు (ఇతరులకు) ఏది ఇస్తావో, అదే నీకు తిరిగి లభిస్తుంది. 

ఈ జన్మలో నీవు అనుభవించే సుఖాలకు కారణం నువ్వు గతంలో చేసిన పుణ్యమైతే, దుఃఖాలకు కారణం నీ గత జన్మ పాపం. అంటే జీవుడు, తాను చేసే కర్మ ద్వారా, పాపపుణ్యాలను మూటకట్టుకుని జన్మల పరంపరంలో ప్రయాణం చేస్తుంటాడు. ఆ క్రమంలో మరణం తర్వాత పోగు చేసుకున్న సంపదలు గానీ, బంధువులు గానీ తన వెంట రారు. అమెరికా నుంచి భారతదేశానికి వచ్చిన వారు అక్కడ కరెన్సీని ఇక్కడ నేరుగా ఉపయోగించలేరు. దాన్ని భారత కరెన్సీలోకి మార్పిడి చేసుకోవాలి. అప్పుడే వీలవుతుంది. అలానే పాపపుణ్యాలు. కూడబెట్టిన సంపదను దానం అనే ప్రక్రియ ద్వారా పుణ్యంగా మార్చుకోవచ్చు. అప్పుడది జీవయాత్రలో జీవుడి వెంట ఉండి, అతడికి అవసరమైనప్పుడు, తగిన వసతిని సమకూర్చుతుంది. కాబట్టి తాను పోగు చేసుకున్న సంపదను పుణ్యంగా మార్చుకుంటాడు వివేకవంతుడు. అలా కాక, అన్నీ కట్టుకుపోతామనే భ్రమలో ఉండి, తాను తినక, ఇతరులకు పెట్టక, ఇతరుల నోటి దగ్గరి ముద్దను సైతం లాక్కునే వాడు అవివేకి, బుద్ధిహీనుడు.

అందుకే భగవాన్ రమణులు ఇలా అంటారు. "ఇతరులకు ఇచ్చిందేదో, అది మాత్రమే తనకు దక్కుతుంది. మిగితావన్నీ వెళ్ళిపోతాయి. ఈ రహస్యం తెలిసిన ఇతరులకు ఇవ్వకుండా ఎలా ఉండగలరు?"

అందుకే సనాతన ధర్మం దానం గురించి గొప్పగా చెప్తుంది. ఒక్కో దానానికి ఒక్కో ఫలం ఉంటుంది. ఉదాహరణకు కొందరికి అన్నీ ఉంటాయి, కానీ ఆత్మసంతృప్తి ఉండదు. కొందరికి ఏమీ లేకున్నా, సంతృప్తిగా ఉంటారు. దీనికి మూలం ఎక్కడ ఉంది? శాస్త్రం ఇలా చెప్తుంది. మామిడి పండును దానం చేస్తే ఆత్మసంతృప్తి కలుగుతుంది. అది మామిడి పండు దానం వలన జీవుడు సంపాదించుకున్న పుణ్యఫలం. అది ఏ జన్మలో చేసినా, ఎప్పుడో ఒకప్పుడు, ఫలం లభిస్తుంది. అలా ప్రతి వస్తువు దానానికి ఎంతో ప్రాముఖ్యత ఉంది. ఇక్కడ మరింత విశేషం ఏమిటంటే ఇచ్చేవాడు అనగా దాత గొప్ప కాదు, దానం పుచ్చుకునేవాడు గొప్ప అంటుంది సనాతన హిందూ ధర్మం. అతడు దానం స్వీకరించి, పుణ్యఫలానికి నీకు పాత్రతను కలిగిస్తున్నాడు. కాబట్టి మన ధర్మంలో దానం తీసుకున్నవాడు దాతకు నమస్కరించడు, దాతయే దానం పుచ్చుకున్నవానికి నమస్కరిస్తాడు. తనకు అంతటి అమూల్యమైన భాగ్యాన్ని ఇచ్చినందుకు.  అదేకాక దానం పుచ్చుకునేవాడిని శ్రీ మాహావిష్ణు స్వరూపంగా భావించమని శాస్త్రం చెబుతోంది. అతడికి పాదపూజ చేయమంటుంది.

ఇదే తైత్తరీయోపనిషత్తులో కనిపిస్తుంది.
శ్రద్ధయా దేయం | అశ్రద్ధయా2 దేయం | శ్రియా దేయం | హ్రియా దేయం | భీయా దేయం | సంవిదా దేయం || 11.6

శ్రద్ధతో దానం ఇవ్వండి. ఉదాసీనతతో, అశ్రద్ధతో దానం ఇవ్వకండి. శక్తి మేరకు, సమృద్ధిగా దానం ఇవ్వండి. వినమ్రతతో, అణుకువ కలిగి దానం ఇవ్వండి. గౌరవపూర్వకంగా దానం ఇవ్వండి. సౌహార్దంతో దానం ఇవ్వండి.

To be continued ..... 

హనుమాన్ చాలీసా 29 వ చరణం

Hanuman Chalisa - 29

चारों युग परताप तुम्हारा ।
है परसिद्ध जगत उजियारा ॥

Caaro Yug Parataap Tumhaaraa |
Hai Parasiddh Jagat Ujiyaaraa ||

Meaning:

Your Glory prevails in all the Four Ages.
And your Fame Radiates throughout the World.

హనుమాన్ చాలీసా 28 వ చరణం

Hanuman Chalisa - 28

और मनोरथ जो कोइ लावै ।
सोइ अमित जीवन फल पावै ॥

Aur Manorath Jo Koi Laavai |
Soi Amit Jiivan Phal Paavai ||

Meaning:

Devotees who have any Other Desires,
Will ultimately get the Highest Fruit of Life.

హనుమాన్ చాలీసా 27 వ చరణం

Hanuman Chalisa - 27

सब पर राम तपस्वी राजा ।
तिनके काज सकल तुम साजा ॥

Sab Par Raam Tapasvii Raajaa |
Tinake Kaaj Sakal Tum Saajaa ||

Meaning:

Sri Rama is the King of the Tapaswis (devotees engaged in penances).
And You (Hanuman) Fulfill all Works of Sri Rama (as a caretaker).

హనుమాన్ చాలీసా - 26 వ చరణం

Hanuman Chalisa - 26

संकट से हनुमान छुडावै ।
मन क्रम बचन ध्यान जो लावै ॥

Samkatt Se Hanumaan Chuddaavai |
Man Kram Bacan Dhyaan Jo Laavai ||

Meaning:

Hanuman Frees one from Difficulties,
When one Meditates on Him with Mind, Deed and Words.

హనుమాన్ చాలీసా 25 వ చరణం

Hanuman Chalisa - 25

नाशौ रोग हरै सब पीरा ।
जपत निरन्तर हनुमत बीरा ॥

Naashau Rog Harai Sab Piiraa |
Japat Nirantar Hanumat Biiraa ||

Meaning:

You Destroy Diseases and Remove all Pains,
When one Utters your Name Continuously.

హనుమాన్ చాలీసా 24 వ చరణం

Hanuman Chalisa - 24

भूत पिशाच निकट नहिं आवै ।
महाबीर जब नाम सुनावै ॥

Bhuut Pishaaca Nikatt Nahi Aavai |
Mahaabiir Jab Naam Sunaavai ||

Meaning:

Ghosts and Evil Spirits will Not Come Near,
When one Utters the Name of Mahavir (Hanuman).

గ్లౌం బీజం - ప్రపంచ ధరిత్రీ దినోత్సవం

గణపతి ఉపాసనలో లక్ష్మీ నారాయణులు, ఉమామహేశ్వరులు, రతీమన్మధులు, భూదేవి సహిత వరాహ స్వామి వార్లను కూడా ఉపయోగిస్తారు. వీరు గణపతి పీఠానికి నాలుగు దిశల యందు ఉంటారని, వీరి అనుగ్రహం కూడా పొందాలని చెప్తారు. అందులో ముఖ్యంగా గణపతి ఉపాసన, హోమం చేసేవారు, గణేశ మంత్రాల్లో 'గ్లౌం' అనే బీజాక్షరాన్ని ఉపయోగిస్తారు. 

గ్లౌం అనేది భూదేవి, వరాహ స్వామి వార్లకు చెందినది. ఇదం ద్యావా పృధ్వీ సత్యమస్తు అంటూ యజుర్వేదం సంధ్యావందనంలో నిత్యం బ్రాహ్మణులు పఠిస్తారు. ఈ భూదేవి మాకు తల్లి, తండ్రి వరాహ స్వామి అని దీని ఒక అర్ధం. ఇక్కడ మళ్ళీ వరాహ స్వామిని అంతరిక్షంగా చెప్తారు. అంటే భూమి, అంతరిక్షాలు మనకు తల్లిదండ్రులు అని. ఇక్కడ అంతరిక్షం అంటే భూమికి 8 కిలోమీటర్ల పైన ఉన్న ప్రదేశం అనే అర్ధం స్వీకరించాలి. అదే వేదంలోని భూసూక్తంలో కూడా కనిపిస్తుంది. 

ఈనాటి సైన్సు కూడా ఒక విషయం చెప్తుంది. ఈ భూమి మీద జీవం ఏర్పడటానికి కారణం ఇక్కడున్న ప్రత్యేక వాతావరణం. దానికి కారణం అంతరిక్షంలో అంటే భూమికి 10 నుంచి 17 కిలోమీటర్ల పైన ఉన్న ఓజోన్ పొర అని చెప్తున్నారు. అది లేకపోతే, భూమి పైకి సూర్యుని అతినీలలోహిత కిరణాలు ప్రవేసించి, జీవజాలం కష్టమయ్యేది. ఇంకా ఈ విషయంలో చాలా ఉన్నాయి. వీటిని వేదంలో ఒక్కమాటలో చెప్పారు. మన జీవనానికి కారణమైన ఆ అంతరిక్షం తండ్రి అని, ఈ భూమి నుంచి వచ్చాము కనుక ఈ భూమిని తల్లి అని అన్నారు. దాన్నే ఉపాసకులు, భక్తులు గ్లౌం అనే బీజంలో చూసి, గుర్తు చేసుకుంటారు.

ఈ రోజు ప్రపంచంలో జరుగుతున్నది ఏమిటంటే కాలుష్యం పేరుతో భూమిని, అంతరిక్షాన్ని నాశనం చేయడం. దాని మీద అవగాహన కోసమే 22 ఏప్రిల్ న ప్రపంచ ధరిత్రీ దినోత్సవం జరుపుతున్నారు. కానీ ఇదే అవగాహనను వేద సంస్కృతి కొన్ని వేల ఏళ్ళ క్రితమే చిన్న మంత్రంలో నిక్షిప్తం చేసింది. 

ఇది అందరూ గర్హించాలి, అతి ముఖ్యంగా ఉపాసకులు, సాధకులు. గ్రహించి, భూమిని రక్షించడానికి చర్యలు చేపట్టినప్పుడే ఆ మంత్రాధిదేవత అనుగ్రహిస్తుంది. ఏదో కోరికతో గణపతి హోమాలు చేయడం కాకుండా, దీన్ని అర్ధం చేసుకుని, ఆచరణలో పెడితే, తప్పకుండా ఉపాసన సిద్ధిస్తుంది. 

హనుమాన్ చాలీసా 23 వ చరణం

Hanuman Chalisa - 23

आपन तेज सम्हारो आपै ।
तीनों लोक हाँकते काँपै ॥

Aapan Tej Samhaaro Aapai |
Tiino Lok Haakate Kaapai ||

Meaning:

You alone can Control Your Great Energy.
When you Roar, the Three Worlds Tremble.

హిందూ ధర్మం - 265 (కర్మసిద్ధాంతం- 5)

శాస్త్రం మనకు కర్మల్ని రెండు రకాలుగా విభజించింది. ఒకటి విహిత కర్మ, రెండవది నిషిద్ధ కర్మ. 
విహిత కర్మ అంటే ఆచరించించవలసిన కర్మ. 'సత్యంవద ధర్మంచర' అంటుంది తైత్తరీయోపనిషత్తు. సత్యమే మాట్లాడండి, ధర్మాన్ని పాటించండి. విధిగా పితృదేవతలకు శ్రాద్ధకర్మలు పెట్టండి అని తైత్తరీయోపనిషత్తు చెప్తుంది. ఇలా శాస్త్రం మనకు ఆచరించమని విధించిన కర్మలు విహిత కర్మలు.

నిషిద్ధ కర్మ అంటే చేయకూడని కర్మ.  ఉదాహరణకు పరమశివుడు సూర్యభగవానుని స్తుతించిన సూర్యాష్టకంలో ఈ విధంగా ఉంది. ఆదివారం నాడు మద్యం తాగకూడదు, మాంసాహారం తినకూడదు. స్త్రీగమనం కూడదు అంటే శృంగారం కూడదు. బ్రహ్మచర్యం పాటించాలి. తైలాభ్యంగన స్నానం చేయరాదు అంటుంది, అంటే ఆదివారం నాడు పైవి చేయడం నిషిద్ధం. ఇలా ప్రత్యేక దినాల్లో కొన్ని నిషిద్ధమైతే, కొన్ని ఎల్లవేళలా నిషిద్ధం. ఎవరిని బాధించకూడదు, శారీరికంగా కానీ, మానసికంగా గానీ హింసించకూడదు. అలా హింసించడం నిషిద్ధ కర్మ. 

మళ్ళీ విహిత కర్మలు మూడు రకాలు. అవి నిత్య కర్మ, నైమిత్తిక కర్మ, కామ్యకర్మ.

నిత్యకర్మ అంటే నిత్యం ఆచరించవలసిన కర్మ - స్నానం, జపం, సంధ్యావందనం, దీపారాధన, దైవ ప్రార్థన మొదలైనవి. అంటే మన రోజూవారీ జీవితంలో అనునిత్యం ఆచరించాల్సిన కర్మలు.

నైమిత్తిక కర్మ - అంటే ప్రత్యేకమైన రోజుల్లో ఆచరించే కర్మ. ఉదాహరణకు వినాయక చవితి నాడు వరసిద్ధి వినాయకుడిని పూజించడం, అక్షయతృతీయ నాడు దానాలు చేయడం, పెద్దలు మరణించిన తిధుల్లో శ్రాద్ధ కర్మలు నిర్వహించడం మొదలైనవి. అంటే ఇవి ప్రత్యేకంగా కొన్ని కొన్ని సందర్భాల్లో మాత్రమే ఆచరించేవి.

కామ్య కర్మ - అంటే కోరికతో చేసే కర్మ, లేదా మనకున్న కోరికలను సిద్ధింపజేసుకోవడానికి చేసే కర్మలు. ఉదాహరణకు మరణానంతరం స్వర్గాది లోకాలను పొందడానికి అగ్నిష్టోమం మొదలైన యగాలు చేస్తారు. అలాగే వివాహం ఆలస్యమవుతుంటే, దానికి ఏర్పడ్డ ఆటంకాలు తొలగడానికి కొన్ని ఆలయాలను దర్శించి, అక్కడ ప్రత్యేక పూజలు నిర్వహిస్తారు. ఇలా మన కోరికలు తీరడానికి, అందుకు తగ్గ పుణ్యం ప్రాప్తించడానికి ఎన్నో పనులను మనం నిత్యం చేస్తుంటాము. వాటిని కామ్య కర్మలు అంటారు.

చేసే కర్మ యొక్క స్వభావాన్ని బట్టి దాన్ని సత్కర్మ లేదా దుష్కర్మ అన్నారు. సత్కర్మ అంటే మంచి కర్మ, దుష్కర్మ అంటే చెడు కర్మ. అయితే ఇక్కడ ఒక ముఖ్యమైన విషయం గుర్తు పెట్టుకోవాలి. చేస్తున్న కర్మ యొక్క స్వభావానికంటే ముఖ్యమైనది, ఆ కర్మ వెనుకున్న కర్త యొక్క ఉదేశ్యం. ఒక పని చేస్తున్నప్పుడు, అది ఏ భావంతో, ఎందుకు చేస్తున్నామనే దాన్ని అనుసరించి కర్తకు ఫలం లభిస్తుంది. కాబట్టి ఆచరించబడుతున్న కర్మకంటే, దాని వెనుకనున్న భావాలు, ఉద్దేశాలు ముఖ్యం. భగవంతుడు చేసిన కర్మను చూడడు, దాని వెనుకనున్న ఉద్దేశాలను చూస్తాడు. 

స్వామి వివేకానంద కర్మ యోగంలో ఒక మాట అంటారు. మనం ఉన్నది సాపేక్ష ప్రపంచంలో. ఇది మంచి, చెడు, సుఖ దుఃఖాలు మొదలైన ద్వంద్వాలతో కూడి ఉంటుంది. ఏ పని పూర్తిగా మంచిది కాదు, పూర్తిగా చెడ్డది కాదు. మంచి చేసే పని కూడా కొందరికి చెడు చేస్తుంది, చెడు కూడా కొందరికి మేలు కలిగిస్తుంది. కాకపోతే, ఒక కర్మ అత్యధికమందికి మేలు కలిగిస్తే అది మంచి కర్మగానూ, అత్యధికశాతం చెడు కలిగిస్తే, అది చెడ్డదిగానూ చెప్పాయి శాస్త్రాలు.       

To be continued .....

హనుమాన్ చాలీసా 22 వ చరణం

Hanuman Chalisa - 22

सब सुख लहै तुम्हारी सरना ।
तुम रक्षक काहू को डरना ॥

Sab Sukha Lahai Tumhaarii Saranaa |
Tum Rakssak Kaahuu Ko Ddaranaa ||

Meaning:

Those who take Refuge in You enjoy all Happiness.
If You are the Protector, what is there to Fear?

హనుమాన్ చాలీసా 21 వ చరణం

Hanuman Chalisa - 21

राम दुआरे तुम रखवारे ।
होत न आज्ञा बिन पैसारे ॥

Raam Duaare Tum Rakhavaare |
Hot Na Aajnyaa Bin Paisaare ||

Meaning:

You are the Gate-Keeper of Sri Rama's Kingdom.
No one can Enter without Your Permission.

హనుమాన్ చాలీసా 20 వ చరణం

Hanuman Chalisa - 20

दुर्गम काज जगत के जेते ।
सुगम अनुग्रह तुम्हरे तेते ॥

Durgam Kaaja Jagat Ke Jete |
Sugam Anugrah Tumhare Tete ||

Meaning:

All the Difficult Tasks in this World,
Are Rendered Easy by your Grace.

హనుమాన్ చాలీసా 19 వ చరణం

Hanuman Chalisa - 19

प्रभु मुद्रिका मेलि मुख माहीं ।
जलधि लाँधि गये अचरजनाहीं ॥

Prabhu Mudrikaa Meli Mukh Maahii |
Jaladhi Laadhi Gaye Acarajanaahii ||

Meaning:

Carrying Lord Sri Rama's Ring in your Mouth,
You Crossed the Ocean, no Wonder in that.

హనుమాన్ చాలీసా 18 వ చరణం

Hanuman Chalisa - 18

युग सहस्र योजन पर भानू ।
लील्यो ताहि मधुर फल जानू ॥

Yuga Sahasra Yojana Para Bhaanuu |
Liilyo Taahi Madhura Phala Jaanuu ||

Meaning:

The Sun which was at a distance of Sixteen Thousand Miles,
You Swallowed It (the Sun) thinking it to be a Sweet Fruit.

హనుమాన్ చాలీసా 17 వ చరణం

Hanuman Chalisa - 17

तुम्हरो मंत्र विभीषण माना ।
लंकेश्वर भये सब जग जाना ॥

Tumharo Mamtra Vibhiissann Maanaa |
Lamkeshvar Bhaye Sab Jag Jaanaa ||

Meaning:

Vibhisana Followed your Advice,
And the Whole World Knows that he became the King of Lanka.

హనుమాన్ చాలీసా 16 వ చరణం

Hanuman Chalisa - 16

तुम उपकार सुग्रीवहिं कीन्हा ।
राम मिलाय राजपद दीन्हा ॥

Tum Upakaar Sugriivahi Kiinhaa |
Raam Milaay Raajapad Diinhaa ||

Meaning:

You Rendered a great Help to Sugriva.
You Introduced him to Sri Rama and thereby Gave back his Kingdom.

హిందూ ధర్మం - 264 (కర్మసిద్ధాంతం- 4)

మనం అద్దె ఇళ్ళలో ఉంటాము. ఒకానొకప్పుడు ఆ ఇంటి యజమాని, ఇల్లు ఖాళీ చేయమని ఆదేశిస్తే, వెంటనే సామను అంతా సర్దుకుని వేరు ఇల్లు వెతుక్కుంటాము. ఎక్కడకు వెళ్ళినా పోగు చేసుకున్న సామాను అంతా తీసుకువెళతాము. అలాగే ఈ శరీరం కూడా ఓ అద్దె కొంప. ఇందులో మనం ఎన్నాళ్ళు ఉండాలని కర్మ ప్రకారం రాయబడి ఉంటే, అన్నేళ్ళు ఉంటాము. ఋణం తీరిన తర్వాత, ఈ శరీరం నుంచి ఆత్మ బయటకు గెంటివేయబడుతుంది. దానికి ఆ తర్వాత దేహం మీద ఏ హక్కు ఉండదు. అప్పడు అది, తాను గత జన్మలో చేసుకున్న పాపపుణ్యాలు, అంతకముందు జన్మల పాపపుణ్యాలను వెంటబెట్టుకుని, వెళుతుంది. అవే సంచితకర్మలు.

3. ప్రారబ్ధ కర్మలు - అనేక సంచిత కర్మలతో కలిసి జీవుడు ప్రయాణిస్తుంటాడు. ఏ ప్రాణి అయినా శరీరం విడిచిపెట్టే సమయంలో, అప్పుడు అతడి ఖాతాలో ఉన్న సంచితకర్మల నుంచి, ఈ కర్మలు అయితే పక్వానికి వస్తాయో, లేదా పండుతాయో, ఆ కర్మలను అనుసరించి, జీవుడికి తదుపరి దేహం ఇవ్వబడుతుంది. అంటే జన్మల పరంపరలో జీవుడు చేసిన కర్మలలో అనుభవించడానికి సిద్ధంగా ఉన్న కర్మ ప్రారబ్ధ కర్మ.ఈ దేహం ప్రారబ్ధ కర్మ ఆధారంగా ఏర్పడింది. ప్రారబ్ధం ఉన్నంతవరకు దేహం ఉంటుంది. అంతవరకు ఆ ఫలాలను అనుభవించవలసిందే. ప్రారబ్ధం తీరిన క్షణమే, మరుక్షణం కూడా కాదు, ఆ క్షణమే ఆత్మ, దేహాన్ని విడిచిపెట్టేసి, మళ్ళీ ఇంకో శరీరం యొక్క అన్వేషణలో పడుతుంది. ప్రారబ్ధం ఉన్నంతవరకు దేహం ఉంటుంది. ఈ జన్మలో మన కుటుంబ సభ్యులు, మిత్రులు, సన్నిహితులు, ఆప్తులు, బంధవులు మొదలైన వారంతా ఒక జన్మలో మన కర్మల ఆధారంగా మనమే ఎంచుకున్నాము. ఆయ వ్యక్తులతో మనకున్న ఋణం కారణంగా, వారి నుంచి సేవ పొందడమో, లేదా సేవ అందించడమో చేస్తాము. ఆ ఋణమే బంధము. 

ఈ శరీరం ఏర్పడడానికి కారణమైన ప్రారబ్ధకర్మలన్నీ ఈ జీవితం ముగిసేనాటికి ఖర్చయుపోగా, జన్మజన్మల నుంచి వస్తున్న సంచితకర్మలకు, ఈ జన్మలో చేసిన సంచితకర్మలు కలుస్తాయి. ఈ మొత్తం కర్మల్లో ఏ కర్మలైతే పక్వానికి సిద్ధంగా ఉంటాయో, అంటే అనుభవించడానికి సిద్ధమవుతాయో, అవి ప్రారబ్ధాలుగా మారి జీవుడి తదుపరి దేహం ఉంటుంది. ఈ చక్రం ఇలానే కొనసాగుతుంది. అందుకే ఆదిశంకరులు భజగోవింద స్తోత్రంలో 
"పునరపి జననం పునరపి మరణం
పునరపి జననీ జఠరే శయనం" 
అని అన్నారు.

మళ్ళూ పుట్టడం, మళ్ళీ చావడం, మళ్ళీ మళ్ళీ తల్లుగర్భంలో పిండంగా ఎదగడం.... అంటూ అందులో స్పష్టం చేశారు.

ఎప్పుడైనా కష్టం వచ్చినప్పుడు, అంతా నా ప్రారబ్ధం అంటాము, అంటే ఇదే. మనం ఒకనాడు తెలిసో, తెలియకో చేసిన పాపపుణ్య కర్మల ఫలం ఈ జన్మలో ఇప్పుడు అనుభవిస్తున్నాము. అలాగే పాపం పండింది అనేమాట కూడా ఉపయోగిస్తాము. పాపం పండడమేంటి? అంటే ఎప్పుడో చేసిన దుష్కర్మ ఈనాడు తన ఫలితాన్ని చూపిస్తోంది. ఎప్పుడో చిన్న విత్తనం వేశాడు, అది మొలకెత్తి, పెరిగి, పెద్దదై ఈనాడు ఫలాలను ఇస్తోంది. ఆ ఫలాలను అనుభవించాల్సింది కూడా ఆ విత్తనం వేసినవాడే. విత్తనం చిన్నదే కానీ, దాని నుంచి వచ్చే చెట్టు పెద్దదే కావచ్చు. అలానే చేసిన పని కూడా. కాబట్టి సాధ్యమైనంతవరకు సత్కర్మలే చేయమని శాస్త్రం చెబుతుంది.  

ఇంకా ఉంది .....
దీనికి సహాయపడి రచన - దేవిశెట్టి చలపతిరావు గారి కర్మసిద్ధాంతం ప్రవచనం

హనుమాన్ చాలీసా 15 వ చరణం

Hanuman Chalisa - 15

यम कुबेर दिगपाल जहाँते ।
कवि कोविद कहि सकैं कहाँते ॥

Yam Kuber Digapaal Jahaate |
Kavi Kovid Kahi Sakai Kahaate ||

Meaning:

Yama (god of death), Kubera (god of wealth), Digpalas (the guardian deities),
Poets and Scholars have not been able to Describe Your Glories in full.

హనుమాన్ చాలీసా 14 వ చరణం

Hanuman Chalisa - 14

सनकादिक ब्रह्मादि मुनीशा ।
नारद शारद सहित अहीशा ॥

Sanakaadik Brahmaadi Muniishaa |
Naarad Shaarad Sahit Ahiishaa ||

Meaning:

Sanaka and other Sages, Lord Brahma and other Gods,
Narada, Devi Saraswati and Seshnag ...

హనుమాన్ చాలీసా 13 వ చరణం

Hanuman Chalisa - 13

सहस बदन तुम्हरो यश गावैं ।
अस कहि श्रीपति कण्ठ लगावैं ॥

Sahas Badan Tumharo Yash Gaavai |
As Kahi Shriipati Kanntth Lagaavai ||

Meaning:

"The Thousand Headed Seshnag Sings Your Glory",
Said Sri Rama to You taking you in his Embrace.

హనుమాన్ చాలీసా 12 వ చరణం

Hanuman Chalisa - 12

रघुपति कीन्ही बहुत बडाई ।
तुम मम प्रिय भरतहिसम भाई ॥

Raghupati Kiinhii Bahut Baddaaii |
Tum Mam Priya Bharatahisam Bhaaii ||

Meaning:

Sri Rama Praised You Greatly,
And said: "You are as dear to me as my brother Bharata".

హనుమాన్ చాలీసా 11 వ చరణం

Hanuman Chalisa - 11

लाय सजीवन लखन जियाये ।
श्री रघुबीर हरषि उर लाये ॥

Laay Sajiivan Lakhan Jiyaaye |
Shrii Raghubiir Harassi Ur Laaye ||

Meaning:

You Brought the Sanjivana herb and Revived Sri Lakshmana.
Because of this Sri Rama Embraced You overflowing with Joy.

హనుమాన్ చాలీసా 10 వ చరణం

Hanuman Chalisa - 10

भीम रूप धरि असुर सँहारे ।
रामचन्द्र के काज सँवारे ॥

Bhiim Ruup Dhari Asur Samhaare |
Raamacandra Ke Kaaj Samvaare ||

Meaning:

You Assumed a Gigantic Form and Destroyed the Demons,
Thereby Accomplishing the Task of Sri Rama.

హనుమాన్ చాలీసా 9 వ చరణం

Hanuman Chalisa - 9

सूक्ष्म रूपधरि सियहिं दिखावा ।
विकट रूप धरि लंक जरावा ॥

Suukssma Ruupadhari Siyahi Dikhaavaa |
Vikatt Ruup Dhari Lamka Jaraavaa ||

Meaning:

You Appeared before Devi Sita Assuming a Diminutive Form (in Lanka),
You Assumed an Awesome Form and Burnt Lanka.

హిందూ ధర్మం - 263 (కర్మసిద్ధాంతం- 3)

పాపకార్యమైనా, పుణ్యకార్యమైనా దాన్ని కర్మ అనే అంటారు. సత్ఫలితాన్నిచ్చే కర్మను సత్కర్మ అని, దుష్ఫలితాన్ని (చెడు ఫలాన్ని) ఇచ్చే కర్మను దుష్కర్మ అని అంటారు.

అవశ్యమను భోక్తవ్యం కృతాకర్మ శుభాశుభమ్ ......
చేసిన పని మంచిదైనా, చెడ్డదైనా, దాని ఫలితాన్ని అవశ్యం అనుభవించి తీరాలని శాస్త్రవాక్కు. చేసిన కర్మకు ఫలితం అనుభవించకుండా తప్పించుకోనుట అసాధ్యం. అది భగవంతుడు ఏర్పరిచిన నియమం. అయితే ఒక కర్మ (పని) చేసినప్పుడు, అవి ఫలితాన్ని ఇచ్చే సమయాన్ని బట్టి కర్మలను 3 రకాలుగా విభజించారు. అవి 1) ఆగామి కర్మలు, 2) సంచిత కర్మలు, 3)ప్రారబ్ధ కర్మలు 

అంటే ఒక విత్తనం వేసినప్పుడు, అది మొక్కయై, చెట్టు గా మారి, మొగ్గ వేసి, పువ్వు పూసి, పిందే గా మారి, కాయ (పచ్చి) గా రూపాంతరం చెంది, అనుభవించేందుకు సిద్ధం అవుతుంది, అంటే పక్వానికి వస్తుంది, పండుతుంది. అలా మనం చేసిన కర్మ పక్వానికి (కర్మ పండడానికి) పట్టే సమయం బట్టి వాటిని పై మూడింటిగా విభాగం చేశారు.

1- ఆగామి కర్మ - మనం చేసే కొన్ని పనులకు వెంటనే, ఇప్పటికిప్పుడే ఫలం లభిస్తుంది. వాటిని ఆగామి కర్మలు అంటాము. ఉదాహరణకు దాహం వేస్తే, నీరు త్రాగుతాం. నీరు త్రాగడం కర్మ అయితే, దాహం తీరడం ఆ కర్మ యొక్క ఫలం. అలాగే ఆకలి తీరుచుకోవడానికి భోజనం చేస్తాము. భోజనం అనే కర్మ, ఆకలిని తీర్చి, అనగా తగిన ఫలాన్ని వెంటనే ఇచ్చి, అక్కడితో శాంతిస్తోంది. ఇది ఆగామి కర్మ.
ఆవేశాలు అదుపు తప్పినప్పుడు, ఒకరిపై చేయి చేసుకుంటాము, నాలుగు తిడతాము. అవతలి వాడు సమర్ధుడైతే తిరిగి నాలుగు తంతాడు, బాగా వాయించి వదిలిపెడతాడు. అది అగామి కర్మ.
ఆగమి కర్మలు అంటే ఈ జన్మలో చేసిన కర్మకు ఫలాన్ని ఈ జన్మలోనే అనుభవించడమన్నమాట.

2- సంచిత కర్మ - కొన్ని కర్మలు (పనులు) వెంటనే ఫలితాన్ని ఇవ్వవు. ఇప్పుడు చేస్తే, ఇంకెప్పుడో ఫలం అనుభవిస్తాము. అంటే ఫలం అనుభవించే వరకు అవి మనలని వెంటాడుతూనే ఉంటాయి. అంటే అవి కూడబెట్టబడి (సంచితం) చేయబడి ఉంటాయి. వాటిని సంచిత కర్మలు అంటారు. అంటే సమయం వచ్చే వరకు అవి సంచీలో భద్రంగా ఉంటాయన్నమాట.

ఇందాకటి ఉదాహరణనే తీసుకుంటే, మనం ఒకరిపై చేయి చేసుకున్నా, లేక నాలుగు తిట్టినా, అవతలి వ్యక్తి వెంటనే ప్రతిచర్యకు దిగకపోవచ్చు. కానీ అది మనస్సులోనే పెట్టుకునే, తగిన సమయం కోసం వేచి చూస్తాడు. సమయం వచ్చినప్పుడు, ఇంతకంటే గట్టి దెబ్బ కొడతాడు. అది ఎప్పుడనేది తెలియదు. అది సంచిత కర్మ. 
ఇంకో ఉదాహరణ చెప్పుకుంటే, మనం ఈ రోజు ఒక విత్తనం వేసి, నీరు పోస్తే, అది ఒకనాటిగా చెట్టు అయ్యి, పండ్లు కాసి, మనకు అందిస్తుంది. అక్కడ విత్తనం వేయగానే పండు (ఫలం) రావట్లేదు. దానికి కొంత సమయం పడుతున్నది. అది సంచిత కర్మ.
ఈ సంచిత కర్మలకు ఫలాలన్నీ ఈ జన్మలోనే లభిస్తాయని లేదు. అది కాలచక్రంలో ఏ జన్మ లోనో లభించవచ్చు. 

అంటే ఇంతకముందు లేదా ఈ జన్మలో చేసి- తర్వాతెప్పుడో ఫలితం ఇవ్వడానికి కూడబెట్టిన కర్మలలో నుండి, ఆ జనంలో ఎప్పుడో ఒకప్పుడు ఫలితాన్నిచ్చి శాంతించిన కర్మలు పోను, మిగిలిన కూడబెట్టబడిన కర్మలను, అదే విధంగా, ఇంతకముందు అనేక జన్మలలో జీవుడు చేసిన కర్మల నుండి ఖర్చైనవి మినహా, ఒక జన్మ నుంచి మరొక జన్మకు మోసుకుంటూ వచ్చిన కర్మలను సంచిత కర్మలు అంటారు. నాలుగు రాళ్ళు వెనకేసుకోవడం అంటారే, అలా నిజంగా అవి వెనకేసుకుంటామో లేదో గానీ, కర్మ అనే సంచీలో అనేక జన్మల కర్మలను పోగు చేసుకుని, జీవుడు జన్మల పరంపరను పొందుతుంటాడు. వాటిని సంచిత కర్మలు అంటారు. జీవుడు శరీరాన్ని విడిచిపెట్టినా, ఈ సంచిత కర్మలు మాత్రం జీవుడిని విడిచి వెళ్ళకుండా అతడితోనే ప్రయాణిస్తుంటాయి. 

To be continued ....

దీనికి సహకరించిన రచన- దేవిశెట్టి చలపతి రావుగారి కర్మసిద్ధాంతం ప్రవచనం 

హనుమాన్ చాలీసా 8 వ చరణం

Hanuman Chalisa - 8

प्रभु चरित्र सुनिबे को रसिया ।
रामलषण सीता मन बसिया ॥

Prabhu Caritra Sunibe Ko Rasiyaa |
Raamalassann Siitaa Man Basiyaa ||

Meaning:

You Delight in Listening to the Glories of Sri Rama,
You have Sri Rama, Sri Lakshmana and Devi Sita Dwelling in your Heart.

హనుమాన్ చాలీసా 7 వ చరణం

Hanuman Chalisa - 7

विद्यावान गुणी अति चातुर ।
राम काज करिबे को आतुर ॥

Vidyaavaan Gunnii Ati Caatur |
Raam Kaaj Karibe Ko Aatur ||

Meaning:

You are Learned, Virtuous and Extremely Intelligent,
You are always Eager to do the Works of Sri Rama.

హనుమాన్ చాలీసా - 6 వ చరణం

Hanuman Chalisa - 6

शंकर-सुवन केशरी-नन्दन ।
तेज प्रताप महा जग-वंदन ॥

Shankar-Suvan Kesharii-Nandan |
Teja Prataap Mahaa Jag-Vandan ||

Meaning:
You are the Incarnation of Lord Shiva and Son of Kesari,
You are Adored by the whole World on account of your Great Strength and Courage.

హనుమాన్ చాలీసా - 5 వ చరణం

Hanuman Chalisa - 5

हाथ बज्र औ ध्वजा बिराजै ।
काँधे मूँज जनेऊ साजै ॥
Haath Bajra Au Dhvajaa Biraajai |
Kaandhe Muuj Janeuu Saajai ||

Meaning:
You hold the Thunderbolt and the Flag in your Hands.
You wear the Sacred Thread across your Shoulder.

హనుమాన్ చాలీసా - 4 వ చరణం

Hanuman Chalisa - 4

कंचन बरण बिराज सुबेशा ।
कानन कुंडल कुंचित केशा ॥
Kancan Barann Biraaj Subeshaa |
Kaanan Kunddala Kuncita Keshaa ||

Meaning:
You possess a Golden Hue, and you are Neatly Dressed,
You wear Ear-Rings and have beautiful Curly Hair.

హనుమాన్ చాలీసా 3 వ చరణం

Hanuman Chalisa - 3

महाबीर बिक्रम बजरंगी ।
कुमति निवार सुमति के संगी ॥
Mahaa-biir Bikrama Bajarangii |
Kumati Nivaar Sumati Ke Sangii ||

Meaning:
You are a Great Hero, extremely Valiant, and body as strong as Thunderbolt,
You are the Dispeller of Evil Thoughts and Companion of Good Sense and Wisdom.

3 ఏప్రియల్ 2018, మంగళవారం, చైత్ర బహుళ చవితి, అంగారక చతుర్థి.

3 ఏప్రియల్ 2018, మంగళవారం, చైత్ర బహుళ చవితి, సంకష్టహర చతుర్థీ, అంగారక చతుర్థి.
చైత్ర మాసంలో వచ్చింది కనుక దీనికి వికట సంకష్టహర చతుర్థి అని పేరు.
వ్రత విధానం ఈ లింక్‌లో చూడగలరు.
http://ecoganesha.blogspot.in/2014/03/20-2014.html


05 మార్చి 2018, చంద్రోదయ సమయం హైద్రాబాదులో (భారత కాలమానం ప్రకారం) - రాత్రి 9.09 నిమి||
3 ఏప్రియల్ 2018, చంద్రోదయ సమయం హైద్రాబాదులో (భారత కాలమానం ప్రకారం) - రాత్రి 9.09 నిమి||

అమెరికాలోని వర్జీనియా రాష్ట్రంలో ఉన్న రిచ్‌మండ్ లో చంద్రోదయ సమయం రాత్రి 10.54 నిమిషాలు, మిచిగన్ రాష్ట్రం పాంటియాక్ లో రాత్రి 11.28 నిమిషాలకు చంద్రోదయ సమయం.

లండన్ వాసులకు రాత్రి 11.03 నిమిషాలకు.

మలేషియాలో రాత్రి 9.48 నిమిషాలకు.


ఆస్ట్రేలియాలోని కాన్‌బెర్రాలో వాసులకు సంకష్ట హర చవితి 4 ఏప్రిల్ అయ్యింది. వారికి అంగారక చతుర్థి వ్రతం లేదు. అక్కడ సంకష్ట హర చవితి చంద్రోదయ సమయంలో ఏప్రిల్ 4, 2018 రాత్రి 8.29 నిమిషాలకు.

http://www.drikpanchang.com/vrats/sankashti-chaturthi-dates.html

ఓం వికటాయ నమః

హనుమాన్ చాలీసా 2 వ చరణం

Hanuman Chalisa - 2

रामदूत अतुलित बलधामा ।
अंजनि-पुत्र पवन-सुत नामा ॥
Raama-Duut Atulit Bala-Dhaamaa |
Anjani-Putra Pavan-Sut Naamaa ||

Meaning:
You are the Messenger of Sri Rama possessing Immeasurable Strength,
You are Known as Anjani-Putra (son of Anjani) and Pavana-Suta (son of Pavana, the wind-god).

హిందూ ధర్మం - 262 (కర్మసిద్ధాంతం- 2)

క్రియతే అనేన ఇతి కర్మ - చేయబడేది ఏదైనా కర్మయే. కర్మ అనేది సంస్కృత పదం. అది 'కృ' అనే ధాతువు నుంచి వచ్చింది. కర్మ అంటే మానసికంగా కానీ, శారీరికంగా కాని చేసినది. పూర్తయిన పనిని కర్మ అని, జరుగుతున్న పనిని క్రియ అని అంటారు.

అలాగే వ్యాకరణ శాస్త్రం ఏం చెప్తుందంటే కర్మకు సంబంధించిన విషయంలో మూడు విభాగాలు ఉంటాయి. కర్త, కర్మ, క్రియ. కర్త అంటే చేయువాడు, క్రియ అంటే చేయబడుతున్న కార్యం, కర్మ అంటే చేయబడిన కర్మ యొక్క ఫలం. కర్త, క్రియ లేకపోతే కర్మ ఉండదు.

నిరాలంబోపనిషత్ 22 వ శ్లోకం కర్మను ఇలా నిర్వచించింది. నేను చేస్తున్నాను అనే భావనతో, ఆథ్యాత్మ నిష్ఠగా ఇంద్రియాల చేత, అంటే శబ్ద (వినడం), స్పర్శ (తాకడం), రూప (చూడటం), రస (రుచి చూడతం), గంధాలతో (వాసన చూడటం) చేసే వ్యాపరమే కర్మ. మనస్సు కూడా ఒక ఇంద్రియమే కనుక మనస్సుతో చేసేది కూడా కర్మయే అవుతుంది.
అలాగే కర్మలను మూడు రకాలు చేస్తుంటాము. కాయిక (శరీరంతో చేసేవి), వాచిక (మాటల ద్వారా), మానసిక (మనస్సుతో) చేసే కర్మలు. ఈ మనస్సు, వక్కు, కాయాలనే త్రికరణములు అంటారు. 
త్రికరణ శుద్ధిగా చేసిన పనులను దేవుడు మెచ్చును, లోకం మెచ్చును అని అన్నమాచార్యుల కిర్తన కూడా ఉంది.

కర్మకు కులమతాలు, ప్రాంత, లింగ భేదాలు లేవు. ఈ లోకంలో అందరు కర్మలు చేస్తారు, ఫలం అనుభవిస్తారు. ఇది మన కళ్లకు కనిపిస్తూనే ఉంది.
అలాగే కర్మలో మూడు విభాగాలు ఉంటాయి. ఒకటి చేయడం. ఇది బాహ్య స్వరూపం లేదా దృశ్య స్వరూపం. రెండు దాచడం. ఇది అంతర్గత స్వరూపం లేదా అదృశ్య స్వరూపం. మూడు సరైన సమయంలో దానికి సరైన ఫలితాన్ని ఇవ్వడం. ఇది కర్మ ఫలానుభవం అంటే చేసిన కర్మకు ఫలితాన్ని అనుభవించడం.

న ఇ కశ్చిత్ క్షణమపి జాతు తిష్ఠత్యకర్మకృత్
కార్యతే వ్యవశః కర్మ సర్వః ప్రకృతిజైర్గుణైః
భగవద్గీత - 3వ అధ్యాయంలోని 5 వ శ్లోకం.

ఈ ప్రపంచంలోని ఏ మనిషి కూడా ఏ కాలంలోనైనా క్షణం కూడా కర్మను ఆచరించకుండా ఉండలేడు. దీనిలో ఎలాంటి సందేహంలేదు. ఎందుకంటే మనుష్యులంతా ప్రకృతికి చెందిన త్రిగుణాలకు లోబడి కర్మలను చేయాల్సి ఉంటుంది అంటారు కృష్ణ పరమాత్మ.

కర్మ అంటే పని లేదా కార్యము లేదా క్రియ అని చెప్పేది సులభమైన అర్ధం. కానీ కార్యకారణ నియతితో నడిచే ఈ విశ్వగతికి కూడా కర్మ అనే పదం అన్వయమవుతుంది. కార్యం అంటే ఫలము/ ప్రయోజనము (Effect). కారణమంటే ఆ ఫలానికి గల హేతువు/ కారణము (Cause). విశ్వచైతన్యం ఈ విశ్వాన్ని ఈ కర్మ సిద్ధాంతం ఆధారంగానే నడిపిస్తుంది.

To be continued ......