కార్తీక బహుళ ఏకాదశికి ఉత్పన్న ఏకాదశి అని పేరు. ఏకాదశి వ్రతాచరణలో ఈ ఏకాదశికి ప్రాముఖ్యత ఉంది. శ్రీ మహావిష్ణువు యొక్క శక్తి అయిన ఏకాదశీ దేవిని ఉద్దేశించి ఏకాదశి ఉపవాస వ్రతాన్ని చేస్తారు భక్తులు. యోగనిద్రలో ఉన్న శ్రీ మహావిష్ణువు సంహరించాలనుకున్న మురాసురుడిని అంతమొందించడానికి శ్రీ మహావిష్ణువు నుంచి ఉద్భవించిన శక్తియే ఏకాదశీ దేవి. అందువలన శ్రీ మహావిష్ణువు యొక్క రక్షణ శక్తుల్లో ఏకాదశి ఒకరు. సప్తమాతృకల్లో ఒకరైన వైష్ణవి శ్రీ మన్నారాయణుని మరొక శక్తి. అందువలన ఉత్పన్న ఏకాదశిని ఏకాదశి మాత జన్మతిథిగా జరుపుతారు. సంవత్సరమంతా ఏకాదశీ వ్రతం ఆచరించాలనుకునే వారు ఈ ఏకాదశి రోజునే ప్రారంభిస్తారు.
ఏకాదశి శ్రీ మన్నారాయణుని ఆరాధానకు అత్యంత విశేషమైనది. ఆనాడు చేసే విష్ణు నామస్మరణ, సహస్రనామపారాయణ అనేక రెట్ల ఫలితాన్నిస్తుంది.
ఓం నమో నారాయణాయ
No comments:
Post a Comment