'అజం నిర్వికల్పం నిరాకారమేకం' అంటూ శంకరాచార్యులు గణపతిని స్తుతించారు. గణపతి అజుడు, అంటే ఎప్పుడు పుట్టనివాడు, ఎందుకంటే ఎప్పుడు ఉన్నవాడు, ఎప్పటికి ఉండేవాడు. పుట్టుక ఉన్నదానికి, మరణం కూడా ఉంటుంది, ఆది ఉన్నదానికి, అంతం ఉంటుంది. గణపతి ఆద్యంతరహితుడు కనుక అజుడు అన్నారు.
నిర్వికల్పుడు వినాయకుడు. అంటే గణపతి ఇలా ఉంటాడు, అలా ఉంటాడని ఎవరు చెప్పలేరు, పసితనం, యవ్వన, ముసలితనం వంటి మార్పులకు లోనవ్వనివాడు. శరీరమే లేనివాడు కనుక శరీర అవస్థలకు అతీతమైనవాడు.
నిరాకారుడు అంటే ఎటువంటి ఆకారంలేనివాడు. ఈ సృష్టిలో ఉన్న అన్ని ఆయన స్వరూపాలే కనుక, ఆయనకంటూ ప్రత్యేకంగా ఒక ఆకారం లేదు. అందువల్ల పరమాత్మను నిరకారుడన్నారు. గజముఖుడిగా కొలిచే గణపతి మన అందరిని ఈ నిరాకార, నిర్వికల్ప తత్వాలకు చేరవేస్తాడు. అంతటా వ్యాపించి పరబ్రహ్మ తత్వం, సచ్చిదానంద స్వరూపమే గణేశుడు.
ఓం గం గణపతయే నమః
No comments:
Post a Comment