(గరుడ పురాణాంతర్గత శ్రీ విష్ణు సహస్రనామం)
ప్రధానం పృథివీ పద్మం పద్మనాభః ప్రియంవదః |
సర్వేశః సర్వగః సర్వః సర్వవిత్ సర్వదః సురః ॥
సర్వస్య జగతోధామ సర్వదర్శీచ సర్వభృత్ |
సర్వానుగ్రహకృద్దేవః సర్వభూత హృదిః స్థితః ॥
సర్వపూజ్యశ్చ సర్వాద్యః సర్వదేవనమస్కృతః ।
సర్వస్య జగతో మూలం సకలో నిష్కలోఽనలః ॥
సర్వగోప్తా సర్వ నిష్ఠః సర్వకారణ కారణం ।
సర్వధ్యేయః సర్వమిత్రః సర్వదేవ స్వరూప ధృక్ ॥
సర్వాధ్యక్షః సురాధ్యక్షః సురాసుర నమస్కృతః ।
దుష్టానాం చాసురాణాంచ సర్వదా ఘాతుకోంతక ||
సత్యపాలశ్చ సన్నాభః సిద్ధేశః సిద్ద వందితః |
సిద్ధి సాధ్యః సిద్ధి సిద్ధః సాధ్యసిద్ధి హృదీశ్వరః ॥
శరణం జగతశ్చైవ శ్రేయః క్షేమస్త థైవచ |
శుభకృచ్ఛోభనః సౌమ్యః సత్యః సత్య పరాక్రమః ||
సత్యస్థః సత్యసంకల్పః సత్యవిత్ సత్యదస్తథా |
ధర్మో ధర్మీచ కర్మీచ సర్వకర్మ వివర్జితః ॥
కర్మ కర్తాచ కర్మైవ క్రియా కార్యం తథైవచ |
శ్రీపతిర్ నృపతిః శ్రీమాన్ సర్వస్య పతిరూర్జితః ॥
సదేవానాం పతిశ్చైవ వృష్ణీనాం పతిరీడితః |
పతిర్ హిరణ్యగర్భస్య త్రిపురాంత పతి స్తథా ॥
పశూనాంచ పతిః ప్రాయోవసూనాం పతి రేవచ |
పతిరాఖండల స్యైవ వరుణస్యపతిస్తథా ॥
వనస్పతీ నాంచ పతిర నిలస్య పతిస్తథా !
అనలశ్చ పతిశ్చైవ యమస్య పతిరేవచ ॥
కుబేరస్యపతిశ్చైవ నక్షత్రాణాం పతిస్తథా !
ఓషధీనాం పతిశ్చైవ వృక్షాణాంచ పతిస్తథా ॥
No comments:
Post a Comment