గణపతి అంటే ఎవరు?

ఓం గం గణపతయే నమః

గణపతి తత్వం : గణపతి అంటే ఎవరు?

1) పంచ జ్ఞానేంద్రియములు (కళ్ళు, ముక్కు, చెవులు, నాలుక, చర్మము)
2) పంచ కర్మేంద్రియాలు(కాళ్ళు, చేతులు, నోరు, పాయువు(మలద్వారము), పిపస్థ(మూత్రద్వారము)
3) పంచ భూతములు (ఆకాశం, వాయువు, అగ్ని, జలము, మట్టి/పృధ్వీ/భూమి)
4) పంచప్రాణములు (ప్రాణ, అపాన, వ్యాన, ఉదాన, సమాన అనేవి పంచప్రాణాలు)
5) కామము(కోరిక)
6) కర్మ
7) అవిద్య
8) మనస్సు

ఈ 8 అంగాలతో దేహ నిర్మాణం జరిగింది. మన దేహాన్ని పురము అని కూడా అంటుంది శాస్త్రం. ఈ ఎనిమిది అంగాలతో కూడిన పురం కనుక, 'పుర్యష్టకం' అంటారు. ఈ పుర్యష్టకమే(శరీరమే) గణం. దీనికి అధిపతి గణపతి అంటున్నాయి శాస్త్రాలు. అంటే సర్వజీవుల యందు అంతర్లీనంగా ఉంటూ అందరిని నడిపించేవాడూ, జీవంపజేసేవాడు ఎవరో, అతడే గణపతి.


ఓం గం గణపతయే నమః