స్వామి వివేకానందా సూక్తులు

కోరికలు తేనె పూసిన కత్తివంటివని తెలుసుకోవడమే వైరాగ్యం.

మనల్ని బలహీనుల్ని చేసే వాటిని గత వేయి సంవత్సరాలుగా కూడగట్టుకున్నాం. ఇప్పుడు మనకు కావలసింది బలం. బలహీనతలకు బానిసలం కాకుండా ఉండడమే స్వాతంత్ర్యం.

మహా వీరుడైన హనుమంతుణ్ణి మీ ఆదర్శంగా చేసుకోవలసిన అవసరం ఇప్పుడు ఎంతైనా ఉంది. ఈయన తన ఇంద్రియాలను పరిపూర్ణంగా అదుపులో ఉంచుకోవడమేకాక అద్భుతమైన సూక్ష్మబుద్ధి కలవాడు. గురువుకు ఏ మాత్రం ఎదురు చెప్పని విధేయత, కఠోరమైన బ్రహ్మచర్యం - ఇవే విజయరహస్యాలు.

Everyone on the spiritual path must worship Hanuman first. He is a perfect sannyasi [monk, swami, holy man], a perfect brahmachari [mind constantly on God and a celibate], a perfect bhakta [devote]. He is perfect in every way - Swami Vivekananda

జపం అంటే దివ్యనామోచ్చరణ. భక్తుడు జపం ద్వారా అనంతత్త్వానికి చేరుకుంటాడు.

కర్మాచరణ చిత్తశుద్ధిని కలిగిస్తుంది. విద్య (ఆధ్యాత్మిక జ్ఞానం) ప్రాప్తింపజేస్తుంది.

మనలో లేనిదాన్ని మన వెలుపల చూడలేం.

నరకం ద్వారానైనా సత్యాన్ని చేరడానికి సాహసించు.

పరనిందా అంతా మనలను నిజానికి నిందితులను చేస్తుంది.

శ్రద్దాభావంతో ఏమి చేసినా మేలే చేకూరుతుంది. ఎంత చిన్న పనినైనా, సవ్యంగా చేస్తే మహాద్భుత ఫలితాన్ని ఇస్తుంది. కాబట్టి ప్రతి వ్యక్తి ఎంత చిన్న కార్యాన్నైనా శ్రద్ధతో నిర్వహించాలి.

మానవుడు ముక్తిని పొందగలిగేది ఈ లోకంలో మాత్రమే.

మహోన్నతమైన ఆదర్శం ఎన్నుకొని, ఆ ప్రకారం నీ జీవితాన్ని మలుచుకో.

'నువ్వు దుష్టుడివి' అనవద్దు. 'నువ్వు మంచివాడివి', కానీ 'మరింత మెరుగవ్వాలి' అని మాత్రం అనండి.

హనుమంతుణ్ణి, జగజ్జననినీ స్మరించండి.మరుక్షణం మీలోని దౌర్బల్యం పిరికితనాలు మటుమాయమవుతాయి.

- స్వామి వివేకానందా