ఆలర్యకృతదత్తస్తుతి
నమో నమః కారణనిగ్రహాయ స్వరూపతుచ్ఛీకృత విగ్రహాయ ।
విజ్ఞానధామ్నే సురసిద్ధసాధ్య నిషేవితాంఘ్రఽనుగృహాణ భక్తాన్ ||
అణోరణిమ్నే మహతో మహిమ్నే విశాలదేహాయ చ సూక్ష్మ వక్తయే |
దిగంబరాయాస్తు నమో మదీయం విచిత్రనివ్యాంబరధారిణే చ ||
యోగీశవంద్యాయ సురాయ హంత్రే మహానుభావాయ నమః పరస్మై |
వృద్ధాయ బాలాయ వయస్తమాయ కాంతాసమాలింగిత విగ్రహాయ ||
ధ్యాయంతి యద్భవభియో మునయస్సమాధౌ
తత్త్యం సదా జితమరున్మనసో విరాగాః ।
తద్వైభవాన్ సదసతః పరమాత్మదైవం
యస్మిన్నిమగ్నమనసో న విదుర్ద్వితీయమ్ ||
యద్ర్బహ్మ పరమం దివ్యం విజ్ఞానఘనమవ్యయమ్ ।
సత్వం సాక్షాత్పరంజ్యోతిర్నిత్యసిద్ధం సనాతనమ్ ॥
నమస్తే సర్వదేవాయ నమస్తే పురుషోత్తమ |
నమో గిరాం విదూరాయ చేతసో నిర్గుణాత్మనే ॥
నారాయణ నమస్తేఽస్తు తే |
సర్వస్మై సర్వబీజాయ వాచ్యవాచక వక్తయే ॥
నమః ప్రణతపాలాయ శరణాగతవత్సల |
నమస్తే పూర్ణబోధాయ యోగీశాయ నమో నమః ॥
విశ్వంభర నమస్తేఽస్తు నమో నాగారికేతన |
అజ్ఞానాజగరగ్రస్తం విశ్వముద్ధర గోపతే ||
శ్రీపతే భూపతే దేవ శాస్త్రయోనే నమోఽస్తు తే |
నమో వేదాంతవేద్యాయ మానాతిగి నమోఽస్తు తే ॥
అజ్ఞాన తిమిరాంధస్య జనస్యామూఢచేతసః |
జ్ఞానచక్షుః ప్రదాయాస్తు నమస్తే యోగభాస్కర ||
బ్రహ్మవంశప్రసూతాయ మునయే మౌనశాలినే |
అనసూయాసుతాయాస్తు నమస్తే మునిసూనవే ||
నమః స్వేచ్ఛావిహారాయ వర్ణాశ్రమ వివర్జిత |
ద్విజలింగాయ దేవాయ నమో లింగాయ యోగినే ||
బ్రహ్మబ్రాహ్మణపాలాయ నమస్తే కైటభార్దన |
వైకుంఠోత్కుంఠితాశేష విధ్వంసక నాశన ॥
మురారాతే నమస్తేఽస్తు నమస్తే కేశిసూదన |
కంసవిధ్వంసినే చేదం నమః కృష్ణాయ చాసకృత్ ||
త్వత్ప్రసాదాతృతార్ధోఽహం దేవదేవ జగత్పతే |
యదాదిష్టం త్వయా తత్త్వం తదభ్యస్తం కరోమ్యహమ్ ||
No comments:
Post a Comment