రచయిత - పౌరాణిక రత్న, మహాపురాణాంధ్రీకరణచణ -
శ్రీ మట్టుపల్లి శివ సుబ్బరాయ గుప్త
శ్రీ రామాయ నమః
శ్రీహనుమద్భాగవతము
మంగళాచరణము
యన్మాయావశవర్తి విశ్వమఖలం
బ్రహ్మాది దేవాసురా
యత్సత్త్వాదమృపైవ భాతి సకలం
రజ్జీ యథా హేర్క్రమః ।
యత్పాదప్లవ మేక మేవ హి భవా
మ్భోధే స్తితీర్షావతాం
వన్దేహం తమ శేష కారణపరం |
రామాఖ్యమీశం హరిమ్ ॥
ఎవరిమాయకు సమస్తవిశ్వము బ్రహ్మాది దేవతలు అసురులు వశమై ఉన్నారో, ఎవరియునికిచే రజ్జువునందు సర్పభ్రమ (త్రాడును చూసి పాముగా భ్రమించడం) వలె ఈ దృశ్యమానజగత్తు అంతయు సత్యముగా తోచుచున్నదో, ఎవరి చరణములె భవసాగరమును తరింపగోరువారికి ఏకైక మగు నావయై యున్నవో, ఆ కారణము లన్నింటికంటె పరమైన అనగా సర్వకారణములకు కారణమైన వాడు, అందఱి కంటె శ్రేష్ఠుడైనవాడు, రాముడని చెప్పబడువాడు నగు శ్రీహరిభగవానునకు నేను నమస్కరించుచున్నాను.
శ్రీమత్ప్రసన్న శశిపన్నగభూషణాయ
శైలేన్ద్రజావదన చుబ్బతలోచనాయ ।
కైలాసమన్దరమహేన్ద్ర నికేతనాయ
లోకత్రయార్తి హరణాయ నమః శివాయ |
శోభాయమానము నిర్మలము నగు చంద్రకళ సర్పము ఆభరణములుగా గలవాడు, గిరిరాజకుమారి యగు పార్వతిచే కైలాసగిరియందు చుంబింపబడిన (ముద్దిడుకొనబడిన) నేత్రములు గలవాడు, మహేంద్రగిరియందు నివసించువాడు, లోకత్రయముయొక్క దుఃఖమును పోగొట్టువాడు నగు శంకరు నకు నమస్కరించుకున్నాను.
సీతారామపదామ్బజే మధుపవద్
యన్మానసం లీయతే|
సీతారామగుణావలీ నిశి దివా
‘యజ్జిహ్వయా పీయతే |
సీతారామవిచిత్రరూపమనిశం
యచ్చక్షుపోర్భూషణం
సీతారామసునామధామ నిరతం|
తం మారుతిం సమ్భజే ||
శ్రీ సీతారాముల పాదపద్మములయందు తుమ్మెదవలే మనస్సుగలవాడు, సీతారాముల గుణావళిని రేయింబవళ్ళు తన జిహ్వచే పానము చేయుచున్న వాడు, సీతా రాముల విచిత్రకూపమును ఎల్లప్పుడు తన నేత్రములకు ఆభూషణముగా జేసికొనిన వాడు, సీతారాముల సునామమునకు నిలయమైనవాడు నగు ఆ మారుతిని నిరంతరము చక్కగ భజించుచున్నాను.
No comments:
Post a Comment