శ్రీ హనుమద్భాగవతము (19)

ఈయన జన్మదినము మంగళవారమని కొందఱు, శనివారమని కొందఱు తలంచుచున్నారు. భావులకు భక్తులను సర్వ తిథులు శ్రేష్ఠములే.

(ఖ) ప్రాదురాసీత్తదాతాం పై భాషమాణో మహామతిః | 

మేషసంక్రమణం భానౌ సంప్రాప్తే మునిసత్తమాః | 

పూర్ణిమాఖ్యే తిథే పుణ్యే చిత్రానక్షత్రసంయుతే ॥

(స్కందవు. వైష్ణవఖం 40.42-48) 

(గ) ఆశ్వినస్యాసితే పక్షే స్వాత్యాం భౌమే చతుర్దశ | 

మేషలగ్నేఽఞ్జనీగర్భాత్ స్వయం జాతో హరః శివః ||

(వాయుపురాణము)

(ఘ) శుక్లాదిమాసగణనయా ఆశ్వినకృష్ణః కార్తిక 

కృష్ణ తులార్కే మేషలగ్నే సాయంకాలే 

అతశ్చతుర్దశ్యాం సాయంకాలే జన్మోత్సవః |

(హృషీకేశపంచాంగము, వారణాసి)

శివునియొక్క ఏకాదశ రుద్రావతారుడు, మారుతాత రుతాత్మజుడు, కేసరీ నందనుడు అంజనా దేవి పుత్రుడై ఈ భూమిపై హనుమానుడు అవతరించిన సమయములో ప్రకృతియంతయు మనోహరముగా ఉండింది. దిక్కులు ప్రసన్నములయ్యాయి. సూర్య దేవుని కిరణములు సుఖకరముగా, శీతలముగా ఉన్నాయి, సెలయేళ్ళలో స్వచ్ఛమైన నీరు ప్రవహిస్తోంది. పర్వతములు కుతూహలముతో ఆంజనేయునుని రాకకై ఎదుగుతూ ఉన్నాయి. జలపాతములు ప్రసన్నముగా ఎగురుతూ చల్లగా పారుతున్నాయి, వనములలోను ఉపవనములలోను, ఉద్యాన వనములలోను వివిధములైన రంగులు కలిగిన మనోహరములైన పుష్పములు విశసించియున్నాయి. వాటిపై భ్రమరములు ధ్వని చేయుచు తిరుగుచున్నాయి. మలయానిలము మెల్లగా వీస్తోంది.