హనుమంతుని పుట్టుకకు సంబంధించిన విభిన్నమైన కారణములు
హనుమానుని పుట్టుకకు సంబంధించిన గాథలు శాస్త్రములలో ననేక విధములుగా ఉన్నవి. వివరింపబడుచున్నవి. అవి సంక్షేపముగ క్రింద
కరుణామయమూర్తియు, ప్రేమమూర్తియైన భగవానుని లీల మధురము, మనోహరము, అద్భుతము. దానిని వినుట చేతి స్మరించుట చేత మునులు ముగ్ధులవుతూ ఉంటారు. భక్తులకు అది పరమనిధి, కాని ఆ లీల రహస్యమయముగా ఉండును. పరమ క్షేమంకరమైన ఆ భగవల్లీలా రహస్యమును దేవతలుగాని, యోగీంద్రులగు మునులుగాని ఎఱుంగజాలరు. అట్టివారే ఆశ్చర్యచకితులై మౌనముగా నున్న కామాదిదోషగ్రస్తులమగు మనవంటి సాంసారిక మనుష్యులుకేమి తెలుస్తుంది? కరుణామయుడుగు ఆ పరమాత్ముని లీలలను గానము చేసిన మనకు సర్వశుభములు గలుగుననుటలో ఎట్టి సందేహము లేదు.
దేవదానవులకు అమృతమును పన్చుటకు విష్ణుభగవానుడు మోహినీరూపమును ధరించెను. ఇది విని కర్పూర గౌరుడగు నీలకంఠుడు ఆశ్చర్యచకితుడయ్యాడు. భగవానుని స్త్రీ వేష మెట్లుండెననగా, ఆప్తకాముడగు శంకరభగవానునకు తన ప్రాణారాధ్యుడగు విష్ణు దేవుని విశిష్ట రూపాన్ని, విశిష్టలీలను దర్శించాలనే కోరిక పుట్టింది.
గంగాధరుడు పార్వతీ దేవితో పాటు పాలసముద్రాన్న్ని చేరి స్తుతించగా లక్ష్మీపతి ప్రత్యక్షమయ్యారు. దేవాధిదేవుడైన మహా దేవుడిట్లా విన్నవించుకొన్నాడు. 'ప్రభూ! నేను నీ మత్స్యాది అవతారస్వరూపముల నన్నింటిని దర్శించాను, కాని అమృతమును పన్చునపుడు నీవు పరమలావణ్యమయమైన స్త్రీ వేషాన్ని ధరించావు. ఆ అవతారస్వరూపాన్ని నేను దర్శింపలేకపోయాను. దేవదానవులమోహానికి కారణమైన ఆ నీ రూపాన్ని దయ యుంచి నాకొక్క మాఱు చూపించు.”
No comments:
Post a Comment