భయపడి అంజన తన చీరను సరిజేసికొని తన్ను స్పృశించినవానిని గద్దించుచు 'మర్యాద లేకుండా నా పాతివ్రత్యమును నాశనము చేయదలంచుచున్నవారెవరు?' అని పలికి శాపమీయటానికి ఉద్యుక్తురాలయ్యింది.
పతివ్రత యగు అంజన క్రుద్ధురాలైనదని భావించి వాయు దేవుడు ప్రత్యక్షమై ఇలా పలికాడు.
యశస్వినీ! నేను నీపాతివ్రత్యమును భంగము చేయటంలేదు. నేను అవ్యక్తరూపముతో నిన్ను ఆలింగనము చేసుకుని మానసిక సంకల్పముద్వారా నీకు బలపరాక్రమసంపన్నుడు, బుద్ధిమంతుడైన పుత్రుడిని ఇచ్చుచున్నాను. నీ పుత్రుడు మహా ధైర్యవంతుడు. మహాతేజస్వి, మహాబలుడు, మహాపరాక్రమవంతుడు, దుముకుటలోను ఎగురుటలోను నాతో సమానుడు కాగలడు'.
అంజన ప్రసన్నురాలయ్యెను, వాయు దేవుని క్షమించెను. ఆమె గర్భవతియయ్యెను, కేసరియొక్క సంతోషమునకు హద్దు లేకపోయెను* - ఈ కథకు మూలము - వాల్మీకి రామాయణం, కిష్కింధాకాండము 66 వ అధ్యాయము.
No comments:
Post a Comment