అక్కడే ఉన్న సూర్య దేవుడు 'నేను ఇతనికినా తేజస్సులోని శతాంశము(వందవ అంశను) ఇస్తాను, దానితో పాటు తగిన సమయమున విద్యను బోధించి ఇతనిని శాస్త్రమర్మజ్ఞునిగా చేస్తాను, ఇతడు సాటి లేని విద్వాంసుడు, వక్త అవుతాడూ అని పలికాడు.
“నా పాశము చేత, జలము చేత ఇతడెప్పుడు ఖూడా సురక్షితంగానే ఉంటుందాని వరుణుడు పలికాడు.
“ఇతడు రోగరహితుడుగా ఉంటాడు... నా దండము వలన ఇతనికెప్పుడూ మరణము సంభవించ”దని యముడు పలికాడు.
పింగళవర్ణుడు, యక్షులకు రాజైన కుబేరుడిట్లా పలికాడు. “యుద్ధంలో ఇతనికెప్పుడూ విషాదము కలుగదు, నా గద నుండి ఇతనికి రక్షణ కలుగుతుంది. నా పరివారమైన యక్ష రాక్షసులచే ఇతడెప్పుడూ పరాజితుడు కాడు.”
“ఇతడు నా చేతగాని, నా ఆయుధముల చేతగాని ఎప్పుడూ వధ్యుడు కాడు” అని శంకరుడు వరమిచ్చాడు...
విశ్వకర్మ ఇలా పలికాడు -'ఈ బాలుడు నాచే నిర్మితములైన శస్త్రాస్త్రములచే ఎల్లప్పుడూ సురక్షితుడై ఉండగలడు'.
ఇట్లా దేవతలందఱూ అమోఘములైన వరాలను ఇచ్చిన పిమ్మట బ్రహ్మ దేవుడు ఎంతో ప్రసన్నుడై ఇతడు దీర్ఘాయుమ్మంతుడు, మహాత్ముడు, సర్వివిధములైన బ్రహ్మదండములచే అవధ్యుడై ఉన్డగలడూ అని పలికెను
ప్రసన్నుడైన చతురాననుడు వాయు దేవునితో మఱల ఇలా పలికాడు. వాయు దేవా! నీ ఈ పుత్రుడు శత్రువులకు భయండు ఇచ్ఛానుసారముగా రూపమును ధరించి తలంచిన చోటికి వెడలగలడు. వీని గమనము అవ్యాహతము. ఇతడు మహాయశస్వి అవుతాడు. అద్భుతములు, రోమాంచ కారకములైన కార్యముల చేస్తాడు.'
ఇలా వరములనిచ్చి బ్రహ్మాది దేవతలు, మహర్షులు తమ తమ నెలవులకు వెళ్ళిపోయారు.
No comments:
Post a Comment