శ్రీ కంచి మహాస్వామివారి శంకర విజయం - 217 వ భాగం

"కర్మేంద్రియాణి సంయమ్య య ఆస్తే మనసాస్మరన్

ఇంద్రియార్ధాన్ విమూఢాత్మా మిథ్యాచారః స ఉచ్యతే" (3-6)

కనుక అర్జునా! ప్రస్తుతం నీవు భ్రాంతిలో పడి యుద్ధ ధర్మం చేయనంటే, నీ సహజ గుణాలు నీ అదుపు లేకుండా నిన్ను కర్మవైపు లాగుతూ ఉంటాయి:

"స్వభావ జేన కౌంతేయ నిబద్ధః స్వేన కర్మణా 

కర్తుం నేచ్చసి యత్ మోహాత్ కరిష్యతి అవశోఽపితత్ (18-60)

అందువల్ల ప్రస్తుత దశలో కర్మలను విడిచిపెట్టకు. అయితే ఆ కర్మలను నీ ఇష్టం వచ్చినట్టు చేయకు. శాస్త్ర ప్రకారం చేయాలి సుమా! ఏది చేయాలో శాస్త్రం చెబుతుంది:

"తస్మాత్ శాస్త్రం ప్రమాణం తే" (16-24) 

నేను నీతో చెప్పేదేమంటే సంగ బుద్ధి లేకుండా ఫలాన్ని నాకర్పించు.

"తతః కురుష్వ మదర్పణం" (9-27) 

ఇట్లా చేస్తూ ఉంటే ఒకనాటికి పాపం నిన్ను అంటకుండా ఉంటుంది. తామరాకుపై నీటి బొట్టులా ఉండగలవు.

"లిప్యంతే నస పాపిన పద్మపత్రమి వాంభసా (5-10) 

ఇట్లా శాస్త్ర ప్రకారం ప్రతి వ్యక్తి చేస్తూ ఉంటే అతనికి యోగ్యత లభిస్తుంది. జ్ఞానమార్గంలోకి అపుడు వెళ్ళగలదు.